УИХ-ын сонгууль, орон нутгийн сонгуулийн их шуугиан намжсан энэ үеэр зарим аймгуудын намын даргын сунгаа эд өрнөж байна. Тухайлбал Ховд аймаг МАН-ын даргын сунгаагаа эхлүүлж энэ сарын 22-нд тэргүүлэгчээ сонгох аж.
Намын даргад Маамуугийн Ганзориг, Гомбоогийн Пүрэвганди, Энхболдын Алтан-Од, Тогтохын Жаргалсайхан, Ширэндэвийн Батжаргал, Дангаагийн Авирмэд нар өрсөлдөж буй. Тэдний дунд Батлан хамгаалах яамны сайд С.Бямбацогтын нагац ах М.Ганзоригийн сонгуулийн ажил сүр дуулиантай байгаа аж. Учир нь Улаанбаатар хотоос Батлан хамгаалах яамны сайдын ажлын албаны 20 гаруй хүн Ховд аймагт очиж суртачилгааны хууль бус ажиллагаа явуулж байна гэх мэдээлэл бий.
Тодруулбал, эдгээр нөхдүүд Ховд аймгийн зарим сумдуудаар явж иргэдэд мөнгө тараасан байж болзошгүй. Мөн түүнчлэн С.Бямбацогтын нагац ах аймгийн нөлөө бүхий хүмүүстэй хамт мөрийтэй тоглож, архидуулж даргын сунгаандаа хүч хаяж байна. Хамгийн хачирхалтай нь, Ховд аймгийн ИТХ-ын дарга болон Засаг дарга нар нь бүгд АН-ын төлөөлөгч нар бий. Гэтэл тэдгээр хүмүүс нь хүртэл хурал зөвлөгөөн дээрээ "М.Ганзоригийг дэмжинэ шүү" гэх яриа өрнүүлдэг аж. Энэ нь цаагуураа сайдын ах МАН-ын дарга болно гэсэн тохироо аль хэдийн хийгдсэн гэмээр.
Маамуугийн Ганзориг Ховд аймгийн сургууль, цэцэрлэг, эмнэлэг зэрэг авч болох бүх л том тендерүүдийг цохиж явдаг хүн гэнэ. Мөн түүнчлэн нагац дүүг Бямбацогтын хэд хэдэн охин компаниудын гүйцэтгэх захирлаар ажилладаг гэх мэдээлэл ч бий.
Сэтгэгдэл (4)