Эмч, сувилагч нар ажил хаялт зарлана гэдгээ мэдэгдлээ

Эмч, сувилагч нар өнгөрсөн 7 хоногт цалин нэмэгдүүлэх шаардлага тавьж Д.Сүхбаатарын нэрэмжит талбайд суулт зарласан ч хэн ч ирж уулзаагүй, хариу өгөөгүй. Тийм учраас тэмцлийн дараагийн хэлбэр болох ажил хаялт зарлаж байгаагаа мэдэгдлээ. Энэ талаар өнөөдөр /2025.10.27/ Монголын эрүүл мэндийн ажилтны үйлдвэрчний эвлэлийн холбооноос 12.00 цагт Д.Сүхбаатарын талбайд хэвлэлийн бага хурал хийж албан ёсоор зарлах гэж байна.

Эмч, сувилагч нар ийм шаардлага тавьж байна.
1. ЭМЧ АЖИЛТНУУДЫН ҮНДСЭН ЦАЛИНГ 3.5 САЯ ТӨГРӨГТ ХҮРГЭ.
2.ЭРҮҮЛ МЭНДИЙН САЛБАРЫН САНХҮҮЖИЛТИЙГ ДНБ-ИЙ 6 ХУВЬД ХҮРГЭ.
3.ИЖ БҮРЭН НОРМЫН ХУВЦАСНЫ ЗАРДЛЫГ ТӨСӨВТ ТУСГАЙЛАН ТУСГАЖ ОЛГО гэжээ