ЭРЭЛИЙН ЭРДЭНЭБАТЫН ГЭР БҮЛ УЧИР БИТҮҮЛГЭЭР АМЬ ЭРСЭДСЭН ҮЙЛЧЛЭГЧИЙНХЭЭ АР ГЭРТ НЭГ Ч ТӨГРӨГИЙН НӨХӨН ТӨЛБӨР ОЛГООГҮЙ
Террил Атиензагийн өнчирч үлдсэн дөрвөн хүүхдийнх нь хамгийн том болох Ниррел Атиенза 2012 оны арваннэгдүгээр сарын 04-11-ний хооронд болсон Олон Улсын цагдаагийн форумд оролцож, харамсалтайгаар амь эрсэдсэн ээжийнхээ талаар тавьсан илтгэлдээ “Монгол Улсад учир битүүлгээр амь насаа алдсан ээжийнхээ хэрэгт би шударга ёсыг хайж байна. Ядуу зүдүү амьдралаас гарах гэсэн ээжийн минь мөрөөдөл Монголд нуран унасан. Ээжийг минь нойрны эм ууж амь хорлосон гэж хэлсэнд би итгэхгүй. Яагаад гэхлээр Филиппин Улсын үндэсний мөрдөн байцаах товчоо ээжийн цогцост задлан хийхэд зүрх нь огт байгаагүй. Элэг, тархи, ходоод нь бүрэн бус ирсэн. Биед цагаан даавуу чихээд явуулсан байсан. Ээжийн минь цогцос бүхэлдээ хөхөрч бяцарсан шархтай байсан. Түүний цогцос яг л атгасан гар шиг болчихсон ирсэн. Одоо бид ээжийнхээ үхлийн төлөө шударга ёс тогтоохыг ШААРДАЖ БАЙНА” гэж хэлж байжээ.
Талийгаачийн өнчирч хоцорсон дөрвөн нялх хүүхдэд Эрэлийн Б.Эрдэнэбатын гэр бүл нөхөн олговор олгосон тухай ямар ч мэдээ сэлт олдоогүй бөгөөд тэр ч битгий хэл дөрвөн сарын турш гэртээ боолчлохдоо олгоогүй цалингаа нөхөн өгсөн гэх мэдээ ч олдоогүй билээ
Сэтгэгдэл (11)