Бамбай хоншоорт могойд бага насны хүүхэд хатгуулжээ

Бамбай хоншоорт могойд бага насны хүүхэд хатгуулсан гэх дуудлага Гэмтэл согог судлалын төвд иржээ. Он гарснаас хойш энэ сарын 25-ны байдлаар могойд хатгуулсан 8 тохиолдол бүртгэгдэж үүнээс 5 тохиолдол 0-15 насны хүүхэд байсан талаар холбогдох албанаас мэдээллээ.

Өнгөрөгч 2024 онд бамбай хоншоорт могойд хатгуулсан 6 тохиолдолд ГССҮТ-ийн ажилчид шуурхай арга хэмжээ авч тусламж үйлчилгээ үзүүлжээ.

Нийслэлийн суурьшлын бүсэд могой харсан болон хатгуулсан тохиолдолд нийслэлийн шуурхай удирдлага зохицуулалтын төв, Нийслэлийн байгаль орчны газар, Сүхбаатар дүүрэгт байрлах ГССҮТ-ийн салбар Түлэнхийн төвд хандана уу.

Могойд хатгуулахаас урьдчилан сэргийлэх

• Ой мод бут сөөг асгаттай газар явахдаа урт түрийтэй гутал, өмд, савхин бээлий өмсөх
• Могой таарвал чимээ гаргахгүй, огцом хөдөлгөөн хийхгүй байх
• Өндөр авс, буттай газраар явахаас зайлс хийх
• Бага насны хүүхдийг хараа хяналтгүй өвслөг газар орхихгүй байх
• Хүүхдийн тоглоом, гадуур явсан тэргийг тогтмол шалгахыг холбогдох албанаас зөвлөж байна.