Говь-Алтай аймагт өчигдөр /2025.06.22/ үер бууж, 13 айлын гэр, есөн хашаа, нэг аж ахуйн нэгжийн барилга усанд автсан талаар Онцгой байдлын ерөнхий газраас мэдээллээ. Тодруулбал, тус аймгийн Есөнбулаг сум Баянхайрхан, Баяншанд, Харзат багийн нутагт 2025 оны зургадугаар сарын 22-ны өдрийн 18.45-19.50 цагийн хооронд дуу цахилгаантай аадар бороо орсны улмаас айл өрхүүд үерийн усанд автсан тухай дуудлага мэдээлэл бүртгэгджээ. Аймгийн Онцгой байдлын газрын Эрэн хайх, аврах салбарын алба хаагчид нийт 13 өрхийн 13 гэр, есөн хашаа, нэг аж ахуй нэгж, байгууллагын барилга үерийн усанд автсан байсныг 25 метр шуудуу татаж үерийн усны урсгалыг өөрчлөх, далан шуудууг нээх ажлыг зохион байгуулан ажиллажээ.
Сэтгэгдэл (0)
Сэтгэгдэл бичигдээгүй байна