Булган аймагт улс төрийн нөхцөл байдал “амаргүй” байлаа. Учир нь 2024 оны орон нутгийн сонгуулиар МАН -15 суудал, АН-14 суудал авсан. Гэвч МАН-ын 1 төлөөлөгч намаасаа гарч бие даагч болоод байв. Тэгвэл өчигдөр /2025.04.24/ аймгийн ИТХ-ын ээлжит бус 7-р хуралдаан хуралдаж Булган нутгийнхаа хөгжлийн төлөө Монгол ардын нам, Ардчилсан нам хамтарч ажиллахаар болжээ.
Тодруулбал өчигдрийн хуралдаанаар аймгийн ИТХ-ын төлөөлөгч нар хурлын даргыгаа төлөөлөгч нарын эв нэгдлийг хангаж ажиллаагүй, хуралдааны зохион байгуулалт муу, ёс зүйн зөрчил гаргасан зэрэг шалтгаануудаар хуучин ИТХ-ын дарга асан Ш.Насандуламыг төлөөлөгч нарын 84%-ийн саналаар огцруулж, АН-ын төлөөлөгч Ж.Ганболдыг 100%-ийн саналаар дэмжин аймгийн ИТХ-ын даргаар батламжилжээ.
Аймаг орон нутгийнхаа хөгжил дэвшил, төрийн тогтвортой байдлын төлөө гаргасан 2 намын хамтрах шийдвэрт иргэд сэтгэл хангалуун байна.
Сэтгэгдэл (0)
Сэтгэгдэл бичигдээгүй байна