УИХ-ын гишүүн Х.Баттулгад чуулганы ирцийн асуудалтай холбоотой хариуцлага тооцох асуудлын талаар бид өмнө мэдээлсэн. Тэгвэл УИХ-ын Ёс зүй, дэгийн байнгын хороо ирэх лхагва гарагт хуралдах аж. Хуралдаанаар УИХ-ын чуулганыг удаа дараа тасалсан Х.Баттулгад хариуцлага тооцох, УИХ-ын гишүүн М.Нарантуяа-Нараг цахим сүлжээнд илэрхийлсэн ёс зүйн зөрчил гаргасан хэмээн үзэж, асуудлыг хэлэлцэх юм.
Х.Баттулгын хувьд 32 удаа хуралдсан намрын чуулганыг 16 удаа тасалж, 6 удаа чөлөө авч, 4 удаа эмнэлгийн чөлөө авч, нэг удаа гадаад томилолттой байсан бөгөөд нийт 26 удаагийн хуралдаанд суугаагүй зөрчилтэй.
Түүнд, “УИХ-ын гишүүн Х.Баттулгын цалингийн 20 хувийг 3 сараар хасах арга хэмжээ авахаар төлөвлөж, ирэх долоо хоногт хэлэлцэхээр болсон” гэж Ёс зүй, дэгийн байнгын хорооны дарга Б.Баярбаатар мэдэгдэж байв.
Сэтгэгдэл (2)