“Алтайн хүдэр” ХХК-ийн эзэн Р.Базараа болон түүнтэй холбоотой хэд хэдэн хүнийг 2024 оны дөрөвдүгээр сарын 15-ны өдөр /2024.04.15/ сонгуулийн санхүүжилт олгосон байж болзошгүй гэх асуудлаар Эрүүгийн цагдаагийн албанаас баривчилж, улмаар цагдан хорьж мөрдөн шалгаж байсан билээ.
Гэсэн ч үүнээс нэг сарын дараа “Алтайн хүдэр” ХХК-ийн эзэн Р.Базараа, тус компанийн гүйцэтгэх захирал В.Бат-Эрдэнэ нарыг суллаж, Монгол Улсын хилээр гарахыг хязгаарлах таслан сэргийлэх арга хэмжээ авсан байдаг.
Тэгвэл Эдгээр этгээдүүд торны цаанаас бохир аргаар хэрхэн мултарсаныг одоо энд сийрүүлье.
Улсдаа томоохон Баячуудын эгнээнд жагсдаг Р.Базараа, В.Бат-Эрдэнэ нар цагдан хоригдож байх хугацаандаа хуулийнхантай тохиролцож, тус бүр нэг тэрбум буюу нийт 2 тэрбум төгрөгөөр суллагдаж цаашлаад гадаадруу оргон зугтжээ. Одоогоор тэд Сингапур улсад оргонож байгаа аж.
Цаашлаад, ”Тээвэр хөгжлийн банк” худалдан авч түүгээр дамжуулан олон жилийн турш мөнгө угаах болон хууль бусаар санхүүгийн гүйлгээ хийх, татвараас зайлсхийх зэрэг гэмт хэргүүдийг үйлдсэн байдаг.
Р.Базараа нь БНХАУ-ын иргэн гэдэг мэдээллийг шалгахад, түүний өвөө нь БНХАУ-ын харьяат Лү Виесон нь Монгол Улсын иргэн Д.Паламсүрэнтэй гэр бүл болж Базараагийн аав Раднаабазар мэндэлж байсан гэх мэдээлэл байна. Харин Р.Базараа нь бусдад өөрийгөө монгол хүн гэж итгүүлж, Монгол Улсын нутагт хуулиас гадуур банк санхүүгийн үйл ажиллагаа явуулсаар иржээ.
Манай улсад мөнгөтэй, эрх мэдэлтэй гэмт этгээдүүдийг торны цаанаас сэмхэн гаргаж гадаад руу оргон зайлуулж, харин иргэдийг өдөр, шөнө ялгалгүй цагдан хорьж байцаан шийтгэдэг башир арга хаалга тогших биш бүр босго даваад ороод ирэв. Хууль хүчний байгууллагууд улаан мөнгөний үнэрт нүдээ сохлуулж, ариун шударгыг олж харахаа больсон аж.
Сэтгэгдэл (9)