Одоогоос 20 жилийн өмнө УИХ-ын гишүүн асан Т.Бадамжунайн хүргэн Э.Жаргалсайханд Баянголын амны зүүн энгэрт 100 га газар олгох шийдвэрийг Сонгинохайрхан дүүргийн тухайн үеийн Засаг дарга гаргаж байжээ. Т.Бадамжунай нь 2004-2008 онд Сонгинохайрхан дүүргээс УИХ-ын гишүүнээр сонгогдож байсан бөгөөд орон сууцны хороолол барих зориулалтаар түүний нэрийг оролцуулсан албан бичгийн дагуу газар олгох шийдвэр гарч байсан байна.
Тэгэхээр УИХ-ын гишүүний нэр нөлөөгөөр авсан байж болзошгүй 100 га газрыг хүргэн нь эзэмшиж байхдаа зарим хэсгийг нь гадаадын компанид худалдсан байна. Худалдсан мөнгөөрөө банк бус байгуулсан нь АТГ-ын мөрдөн шалгах ажиллагаагаар тогтоогджээ. Улс төрд нөлөө бүхий этгээдүүдийн оролцоотойгоор ашиглагдаж байсан газрыг АТГ төрд буцааснаар одоо Хавдрын эмнэлэг баригдах болж, хэд хоногийн өмнө Ерөнхийлөгч У.Хүрэлсүх барилгын шавыг тавьсан билээ.
Сэтгэгдэл (4)