АНУ-ын улсын Миннеаполис хотын католик шашны сургуульд халдлага үйлдсэн этгээд анхнаасаа алан хядлага хийх зорилготой байсан хэмээн албаныхан мэдээллээ
Миннеаполис хотын цагдаагийн дарга Брайан О'Харагийн хэлснээр: “Хоёр хүүхдийн амийг хөнөөж, 18 хүнийг шархдуулсан Робин Вестман гэх этгээд ямар нэгэн тодорхой шалтгаангүйгээр халдлага үйлджээ. Халдлага үйлдсэн гэмт этгээд юу юунаас түрүүнд хүүхэд рүү гал нээсэн хэмээн хэлсэн юм. Албаныхан халдлага үйлдсэн хүнийг 23 настай Робин Вестман гэж тогтоосон байна. Шүүхийн бүртгэлээс үзэхэд Вестман хүйсээ солиулж, 2020 онд өөрийнхөө нэрийг Робертоос Робин болж өөрчилж эмэгтэй гэх тодотголтой болжээ.
Гэмт этгээдийн гарт харамсалтайгаар амь насаа алдсан 8 настай хүүгийн аав сэтгүүлчдэд хэлэхдээ: “Өчигдөр миний 8 хан настай хүүг биднээс нэгэн хулчгар эр үүрд булаан авлаа. Хүү минь спортод хайртай, гэр бүл, найз нөхөдтэйгөө загасчилж, хооллох, хамтдаа тоглох дуртай байсан. Өдөр бүр хүүхдээ тэврээд, үнсээрэй, яг одоо. Би чамд хайртай, Флетчер. Чи үргэлж бидний зүрх сэтгэлд хамт байх болно" хэмээн нулимсаа залгин хэлсэн юм.
Харин 10 настай талийгаач охин Харпер Мойскигийн эцэг эх Майкл Мойски, Жеки Флавин нар хэлэхдээ: “Миний охин 10 настай, сэргэлэн, үргэлж инээж байдаг, баяр баясгалантай гайхалтай охин байсан. Түүний эелдэг зан, хөгжилтэй байдалд хүмүүс хайртай байсан гэсэн юм. Гэр бүлийнхээ амсаж буй сэтгэлийн шархыг үгээр илэрхийлж чадахгүй байна. Энэ төрлийн гэмт хэрэг, хүчирхийллийг зогсоох, тэмцэх үйл ажиллагааг идэвхжүүлнэ гэж найдаж байна. "Ямар ч гэр бүл ийм зовлон зүдүүрийг тэвчих ёсгүй... Өөрчлөлт хийх зайлшгүй шаардлагатай. Энэ эмгэнэлт үйл явдал үүгээр зогсох болтугай” гэсэн юм
Миннеаполис дахь сүмд сурагчдыг залбирч байхад нь цонхоор гал нээж дараа нь өөрийгөө егүүтгэсэн бөгөөд хүүхдийн амь насанд заналхийлэх зорилготой байсан хэмээн мөрдөн байцаагчид үзэж байна.
Сэтгэгдэл (0)
Сэтгэгдэл бичигдээгүй байна