​Швед: 113 жилийн настай сүмийг бүхлээр нь нүүлгэх ажил эхэлжээ

Швед улсын алс умард хязгаарын нэг хотод оршдог 113 жилийн настай сүмийг бүхлээр нь нүүлгэх ажил эхэлжээ.

Кируна хотын хуучин төвд оршдог модон хийцтэй энэ сүмийг 1912 онд байгуулж байв.
Гэвч 100 гаруй жил төмрийн хүдэр олборлосны улмаас хотын хуучин төвийн хөрсөнд ан цав гарах эрсдэл үүссэн байна.
Ингээд сүмийг аврахын тулд Кируна хотын шинэ төв хүртэл 5 км зайд тээвэрлэн шилжүүлэхээр болжээ.
Аварга том дугуйт тавцан дээр өргөж тавьсан сүмийг цагт 500 метр хурдтай зөөх бөгөөд хоёр өдрийн дараа шинэ байрлалдаа хүрэх гэнэ.
Сүмийн нүүлгэлт нь Умард туйлын цагаргаас дотогш 145 км зайд оршдог Криуна хотын хувьд түүхэн үйл явдал болж байна.
Сүмийн нүүлгэлтийг Кируна хотын оршин суугчдаас гадна гаднаас ирсэн жуулчид үзэх бол Шведийн хаан Карл Густаф хүртэл ирж үзэхээр болжээ.

Эх сурвалж: BBC