Өнөөдөр /2025.06.09/ МАН-ын Удирдах зөвлөл, Бага хурал зарлагдаад байна. МАН-ын энэхүү бүтцийн хурлаар дараагийн Ерөнхий сайдад хэнийг дэвшүүлэхийг тодруулах юм. Тэгвэл яг одоо хуралдаж байгаа МАН-ын Удирдах зөвлөлийн хуралд, Ерөнхийлөгчийн Тамгын газрын дарга Г.Занданшатарыг Ерөнхий сайдад нэр дэвшүүлсэн талаар эх сурвалжууд мэдээлж эхлээд байна.
Сонирхуулахад, УИХ-ын дарга Д.Амарбаясгалан, ХХААХҮ-ийн сайд Ж.Энхбаяр нарын нэгийг нь Ерөнхий сайдад нэр дэвшүүлнэ гэсэн мэдээлэл байсан ч, эцсийн мөчид МАН-ын удирдлагууд Г.Занданшатарыг Ерөнхий сайдад нэр дэвшүүлсэн байна. Удахгүй МАН-ын Бага хурал хуралдаж, Удирдах зөвлөлийнхөө шийдвэрийг хэлэлцэх юм. Г.Занданшатарыг Ерөнхий сайдад томилогдсон тохиолдолд УИХ-ын гишүүн биш хүн гүйцэтгэх байгууллагыг удирдах нь. Тэрбээр УИХ-ын 2024 оны сонгуульд 1 дүгээр тойрогт өрсөлдөөд ялагдсан билээ.
Сэтгэгдэл (2)