Таван сарын өмнө “Тээврийн хэрэгслийн шилжилт хөдөлгөөнийг E-Mongolia систем дээр цахимаар хийдэг боллоо” гэх мэдээлэл гарч байв. Гэтэл өнөөдөр E-Mongolia дээрх тус үйлчилгээг цахимаар иргэд авч чадахгүй байдалтай байна

Өнгөрсөн арван хоёрдугаар сард “Тээврийн хэрэгслийн шилжилт хөдөлгөөнийг E-MONGOLIA системээр дамжуулан цахимаар хийдэг боллоо” гэдэг мэдээлэл гарсан. Тээврийн хэрэгслийн шилжилт хөдөлгөөнийг илүү шуурхай, ил тод, хүртээмжтэй болгох үүднээс ЦХИХХ-ны яам, Зам, тээврийн яам, “И-Монгол академи” УТҮГ, Нийслэлийн автотээврийн бүртгэл хяналтын төв, Автотээврийн үндэсний төв хамтран уг үйлчилгээг E-Mongolia системд бүрэн цахимжуулан нэвтрүүлсэн гэж мэдээлж байв. Гэтэл эдгээр мэдээлэл гарснаас таван сарын дараа өнөөдөр И-Монгол системийн Тээврийн хэрэгслийн шилжилт хөдөлгөөн хийх цэс “Түр засвартай” хэмээн ажиллахгүй байдалтай байна. Төрийн албаны цахим шийдэл олон иргэдийн цаг, мөнгийг хэмнэх ач холбогдолтой ч гацалт, түр засвартай гэх шалтгаанаар зорьсон хэмжээндээ хүрч ажиллахгүй байна.