Тагнуулын ерөнхий газраас 2024 оны гуравдугаар сарын 29-ний өдөр Монгол Улсад тагнуул хийж байсан гадаадын нэг иргэн болон эх орноосоо урвасан Монгол Улсын иргэн З.Санждорж, Д.Бямбажав нарыг баривчилж, саатуулсан. Тэднийг Эрүүгийн хэрэг хянан шийдвэрлэх тухай хуулийн 19.4.1 зүйл ангиар ялласан байдаг.
Тэгвэл Эрүүгийн хуулийн 19.4.1 дүгээр зүйлд"Монгол Улсын иргэн гадаад улсын тагнуулын албатай хамтран ажиллахаар тохиролцсон, хамтран ажилласан, гадаадын байгууллага, иргэнд шилжүүлэн өгөх зорилгоор төрийн нууцад хамаарах мэдээ, баримт, эд зүйлийг хулгайлсан, цуглуулсан, хадгалсан, дамжуулсан бол найман жилээс , 15 жил хүртэл хугацаагаар хорих ял шийтгэнэ" хэмээн заажээ.
Тэгвэл яг одоо эх орноосоо урваж, гадаадын тагнуулын байгууллагатай хамтран ажилласан гэх хэрэгт яллагдагчаар татагдсан “Монголын бурхан шашинтны шинэ төв” хийдийн хамба лам З.Санждорж болон түүний зөвлөх Д.Бямбажав нарт холбогдох хэргийг шүүх хурал о Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны тойргийн шүүхэд болж байна.
Өнгөрсөн дөрөвдүгээр сард болсон урьдчилсан хэлэлцүүлгээр түүнийг Гадаадын тагнуулын алба, байгууллага, иргэнтэй хууль бусаар хамтран ажилласан гэм буруутайд тооцож, шүүх хурлыг товлосон байдаг. Тэгвэл өнөөдөр болж буй З.Санждорж нарт холбогдох хэргийг шүүх хурлаар тэдэнд хэдэн жилийн хорих ял оноох эсэхийг шийдэх юм.
Сэтгэгдэл (3)