Тайланд улсад гэр бүлийнхэнтэйгээ аялалаар явж байсан бага насны гурван монгол хүүхэд алга болж, одоог хүртэл хайсаар байна. Тодруулбал, дөрөвдүгээр сарын эхээр буюу сурагчдын улирлын амралтын үеэр монгол гэр бүл Тайланд улс руу аялалаар явжээ. Тус улсад очоод дэлгүүрт явж байх үед нь хүүхдүүд нь алга болсон байна. Аав, ээж нь ийнхүү нэг сар орчим хүүхдүүдээ хайж одоог хүртэл Тайланд улсад байгаа аж.
Албан бус эх сурвалжийн өгч буй мэдээллээр, “Тухайн гэр бүл ямар нэгэн аяллын компаниар яваагүй хүүхдүүдээ дагуулаад хувиараа явсан боловч ийм харамсалтай зүйл боллоо. Алга болсон хүүхдүүд нь 15 настай охин, тав, зургаан настай хоёр хүү. Тус улсын цагдаа нар хүүхдүүдийг хайгаад нэмэргүй, хоёр бага хүү нь бараг олдохгүй байх гэсэн аймшигтай зүйлийг ярьсан гэсэн. Гэвч үхтэл үр харам гэж ээж аав нь хүүхдүүдээ тэнд хайсаар л байгаа” гэв.
Сэтгэгдэл (18)