Улаанбаатарт газрын наймаа, авлига, ард түмнээ дээрэлхэх дээрхлэлт утгаа алджээ. Төр нэг гараараа газар чөлөөлөхнэрээр энгийн иргэдийнхээ "өмчид" халдаж, нөгөө гараарааэрх мэдэлтнүүдэд дур зоргоороо авирлах боломжийголгосоор байгаа.
Эрх мэдэлтэй хүмүүс наанаа иргэдэд хэрэгтэй бүтээнбайгуулалт хийнэ гэж хуураад том, том шилэн барилгуудбарьдаг жишиг хэвийн үзэгдэл болов. Хэн ч хариуцлагатооцдоггүй, хэн ч шийтгэл хүлээдэггүй. Атал ард түмний эд хөрөнгийг хураан авч, торгож, цагдаж байгаа байдал ихсэж буй. Нэг үгээр Хотын дарга Х.Нямбаатарын үед Улаанбаатар хот “дээвэргүй шорон” болж байна. Аливаа асуудалд зөв гарц гаргалгаа хайх бус харин торгоно шийтгэнэ, яллана гэдэг болов.
Сүүлийн үед өрнөж байгаа онцлох хоёр жишээг уншигч танд харьцуулан хүргэе.
АВЛИГА ХОРООЛОЛ VS ТҮЦ
Усан парк байгуулна гэж барилгын ажил эхлүүлсэн газародоо орон сууцны хороолол боссон. Энэ асуудал 2022 оноосэхлэн олны шүүмжлэл дагуулсаар өдий хүрсэн юм. Уг ньдээрх газарт анх усан парк барих нэрээр 2008 онд газрынзөвшөөрөл авсан ч орон сууц барьсан, мөн Дунд гол орчимдбарьсан тул Усны тухай хуулийг зөрчсөн болох нь холбогдохгазруудын хяналт шалгалтаар тодорхой болж, эцэстээ шүүхдээр асуудал очсон. Шүүх дээр гурван жил гацаж байх хооронд тус барилга сүндэрлэж дуусав. Улаанбаатар хотын удирдлагууд, Засгийн газрын гишүүд нь яаж ч чадахгүй харин ч бүр эрчим хүчээр нь хангаж, дэмнэн дэмжиж ажлаа үргэлжлүүлэх боломжоор хангасаар байв. Товчхондоо, төр дэмжиж авлига хороолол сүндэрлэв.
Ийнхүү газрын зөвшөөрөлгүй, хууль бусаар орон сууц, хороолол барьж босгосон хүмүүстэй хариуцлага тооцож барилга байгууламжийг нь нурааж буулгахгүй гурван жилийг үдэж байж нийслэлд байрлах ТҮЦ-нүүдийг нэг шөнийн дотор хэдэн арваар нь ачиж худалдаа эрхлэгчидыг ажлын байргүй болгож орхив.
Нэг ТҮЦ-ийг ачихын тулд цэрэг цагдаагаар бүсэлж 10 настай хүүг ээжтэй нь хамт чирж гаргах эмгэнэлтэй дүр зургийг ч бид харлаа. Хэдэн жилийн өмнө Намбарын Энхбаярыг баривчилдаг шиг цагдаагаар хамгаалуулж байгаад ТҮЦ ачиж байх юм. Бөөсөнд хутга, бөлдөгт жад гэж яах нь билээ дээ! Стандартаа тавиад дагаж мөрдүүлээдажиллах боломжийг олгож цэгцлэх ухаан, сэтгэл хоёр дутав бололтой. Дарга цэрэг нар ядарсан худалдаа эрхлэгч нарт ямар дээрэлхүү байгааг монголчууд нүдээрээ харж, чихээрээ сонслоо.
Үнэхээр зөвшөөрөлгүй талбайд зөвшөөрөлгүй байшин сав, барилга байгууламжийг нурааж, нүүлгэж байгаа бол бүгийг нь адилхан нураа, нүүлгэ хотын дарга Х.Нямбаатар аа.
Авлига хороолол мэтийн хууль бус барилга байгууламжаа нурааж чадахгүй байж хэдэн ТҮЦ нүүлгээд Улаанбаатар хот чинь түгжрэлгүй, утаагүй, халтиргаа гулгаагүй, үер усгүй сайхан болно гэж үү?
Сэтгэгдэл (29)