2019 оны Үндсэн хуулийн нэмэлт, өөрчлөлтөөр Ерөнхий сайдад танхимын сайд нараа томилж, чөлөөлж, огцруулах эрхийг өгч, сайд нар УИХ-д тангараг өргөдөг болсон билээ.
Сайд нар “Улсынхаа ашиг сонирхлыг эрхэмлэн Үндсэн хуулийг дээдлэн сахиж, авлига, ашиг сонирхлын зөрчлөөс ангид байна” гэдгээ тангарагладаг. Гэтэл өргөсөн тангарагтаа үнэнч бус өөрсдийн ашиг сонирхлыг хөөж яваа олон сайдууд энэ парламентад тухалж суугаа.
Үүнийг Ерөнхий сайд нь ч өөхшүүлээд байна уу гэмээр. Учир нь Ерөнхий сайд Л.Оюун-Эрдэнэ хувийн мөнгөөрөө төмөр зам барьсан гээд Б.Дэлгэрсайханд сайдын суудал бэлэглэв үү гэлтэй “Зам тээврийн сайд”-аар өргөмжилсөн.
Б.Дэлгэрсайханг ашиг сонирхолын илт зөрчилтэйг өмнө бид хэд хэдэн удаагийн нийтлэлээрээ дурдаж байв.
Тухайлбал, Хувьдаа төмөр замтай, вагонтой Б.Дэлгэрсайхан сайдын нүүрс тээвэрлэлт олон зуун залуусын амьдарлыг хүнд нөхцөл байдалд хүргээд байгаа. Зөвхөн өөрийнхөө вагоныг нүүрс тээвэрт явуулж бусад компаниудын тээврийг зогсонги байдалд хүргээд удаж байна.
Ингээд Чойр, Олон-Овоо, Мааньт өртөөдыг эзэгнэж байгаа сайд одоо улсын төмөр замруу гараа дүрэх болсон уу?
Учир нь, Б.Дэлгэрсайхан сайд төрийн өмчит төмөр замуудын бүх ажилчдыг нэг өдөрт халж байгаа гэх мэдээлэл байна. Тодруулбал, “Тавантолгой төмөр зам”, “Монголын төмөр зам” компаниудын бүх ажилтныг нэг өдрийн дотор хоёр захирлын нэгэн зэрэг гаргасан тушаалаар халахаар болжээ. Шалгааныг нь, Зам, тээврийн сайд Б.Дэлгэрсайхан “Би төрийн өмчит төмөр замуудыг хариуцаж байгаа үедээ хувийн компани шигээ цэгцэлж хямгадна. Төр бол ажил хийдэггүй хүмүүст цалин өгөөд хадгалж байдаг хогийн сав биш” гэх аж.
Хэлж байгаа сайхан үг нь зөв учигтай. Гэхдээ хэлэх, хийх хоёр өөр. Зөвхөн өөрийнхөө ашиг сонирхлыг номер нэгт тавьж Дорноговь аймгийг вант улсаа болгосон энэ сайд Улсын мөнгийг хямгадаж цааш үргэлжлүүлэх нь бүрхэг тэнгэрт бараан үүл нүүхтэй адил. Хэзээ нар гийх нь үл мэдэгдэм. Мөн үүний цаана дээрх хоёр төмөр замд ажилдаг олон зуун ажилчдын амьдрал ингээд нурж байна. Төмөр замд олон жил зүтгэж амьдарлаа залгуулдаг байсан залуус нэг өдөр л бүгд ажилгүй боллоо.
Энэ үйлдлээрээ төсвийн мөнгө буюу та бидний төлж байгаа татвар төлөгчдийн мөнгийг хувьдаа завших вий гэх хардлага ч мөн үүсч байна. Учир нь Б.Дэлгэрсайхан хуулиас дээгүүр аяглаж, түүний булхай үйлдлийг нь хазаарлах хүн байдаггүй нь халагламаар.
Сэтгэгдэл (2)