"Маш хүнд хүнтэй орж ирж байхад эмнэлгийн хүлээн авах дээр машинаа хаячихсан байна" гэсэн бичлэгийг түргэний машины жолооч цахим орчинд нийтэлсэн. Тэгвэл тус хэрэгтэй холбогдуулан Тээврийн цагдаагийн албанаас "Эмнэлгийн машин орох гарцыг хааж, үүдэнд машинаа байрлуулсан автомашины жолоочид хариуцлага тооцно" хэмээн мэдэгдлээ.
Авто тээврийн үндэсний төвөөс мэдээлснээр “Авто тээврийн нэгдсэн лавлах 1900-1234” тусгай дугаарын үйлчилгээнд зорчих үйлчилгээтэй холбоотой дуудлага нийт дуудлагын 20 орчим хувийг эзэлдэг. Харин нийт дуудлагын 40-45 орчим хувийг иргэд нэг нэгнийхээ тээврийн хэрэгслийг хааж зогссонтой холбоотой дуудлага байдаг аж.
Хэрэв машин хааж зогссон машины эзэн холбогдох дугаараа үлдээгээгүй тохиолдолд та 1900-1234 утсанд холбогдож, тухайн машины утасны дугаарыг хэлж, лавлах төвөөр дамжуулан эзэнтэй нь холбогдох боломжтой юм.
Сэтгэгдэл (2)