НӨАТ:Гурван сая төгрөгийн таван азтан тодорч, 20 сая төгрөгийн азтан тодорсонгүй

НӨАТ-ын урамшууллын зургадугаар сарын ээлжит сугалааны тохирол өчигдөр орой боллоо. Өнгөрсөн сард нийт 50,557,246 баримт хэвлэгдсэнээс 32,038,077 баримт бүртгэгджээ.

Үндсэн сугалааны дугаарт 37368340 тоо таарсан ба сугалаагаар

• 30 мянган төгрөгийн азтан-28.843
• 100 мянган төгрөгийн азтан-2886
• 500 мянган төгрөгийн азтан-279
• 1,5 сая төгрөгийн азтан-24
• 3 сая төгрөгийн азтан-5 тус тус тодорлоо.

Харин супер шагналын дугаарт 97991257  тоо таарсан ч 20 сая төгрөгийн азтан тодорсонгүй. Дашрамд дуулгахад, НӨАТ-ын энэ оны II улирлын буцаан олголтыг энэ сарын 20-ны дотор олгохоор болжээ. Сангийн сайдын тушаалаар I улирлынхыг оны 4 дүгээр сард, II улирлын буцаан олголтыг 7 дугаар сард, III улирлынхыг 10 дугаар сард,  IV улирлын буцаан олголтыг дараа оны 1 дүгээр сард олгодог болсон.