Өнөөдрөөс эхэлж НӨАТ-ын буцаан олголт иргэдийн дансанд орно

НӨАТ-ын 2021 оны нэгдүгээр улирлын буцаан олголтын урамшуулал өнөөдөр буюу дөрөвдүгээр сарын 21-ний өдөр иргэдийн дансанд орно хэмээн өчигдөр Сангийн сайд Б.Жавхлан цахим хуудсаараа дамжуулан мэдэгдсэн билээ.  

Тэрбээр “НӨАТ-ын 2021 оны нэгдүгээр улирлын буцаан олголтын урамшуулал 2021 оны 04-р сарын 21-ны өдөр иргэдийн дансанд орно. Нийт 1.023.235 иргэн 40.6 тэрбум төгрөгийн буцаан олголт авна. Цар тахлын хүнд цаг үед “Эрүүл мэндээ хамгаалж, Эдийн засгаа сэргээх цогц төлөвлөгөө”-г дэмжиж татвараа төлсөн татвар төлөгч иргэнд танд баярлалаа” гэжээ.