Хуурамч QR код ашиглавал Эрүүгийн хариуцлага хүлээлгэнэ гэв

Нийслэл хот бүх нийтийн бэлэн байдлын зэрэгт шилжсэн энэ өдрүүдэд хуурамч QR код ашиглан замын хөдөлгөөнд оролцох зөрчил гарсаар байна.

Тухайлбал, хоёр машины дунд нэг QR код ашиглах, огт кодгүй авто машин хөдөлгөөнд оролцох, хүргэлтийн үйлчилгээ болон  QR кодыг бусдад дамжуулах,  хуурамч код ашиглах, хувийн такси үйлчилгээ зэрэг зөрчил түгээмэл гарч байгаа талаар Тээврийн цагдаагийн байгууллагаас мэдээллээ.

Тиймээс оройн 17:00-22:00 цагийн хооронд хуурамч QR код ашиглах, мөн бусдад зарвал эрүүгийн хариуцлага тооцохыг Тээврийн цагдаагийн албанаас сануулав.