Сайн мэдээ:Говьсүмбэр, Архангай, Орхон, Дорноговь аймагт халдварын голомт бүрэн УСТСАН

Нийслэлээс гадна зургаан аймагт коронавирусийн халдвар бүртгэгдэж хөл хорио тогтоож байсан. Тодруулбал, Архангай, Орхон, Сэлэнгэ, Дархан-Уул, Говьсүмбэр, Дорноговь аймагт халдвар бүртгэгдэж байсан. 

Өнөөдрийн байдлаар Сэлэнгийн Алтанбулаг, Сүхбаатар хот, Нийслэл хотоос бусад аймгуудад халдварын голомт бүртгэгдсэн хугацаа болон ДЭМБ-аас тавьж байгаа зөвлөмжийн хоног хугацаа өнгөрсөн байгаа аж. Архангайд халдвар нэмж илрээгүй 26 хоног, Говьсүмбэр аймагт 28 хоног, Дархан-Уул аймагт 23, Айраг суманд 30 хоног, Дорноговь аймагт 12 хоногт нэмж халдвар илрээгүй байна. 

Тиймээс ДЭМБ-аас тавьж байгаа хоног хугацааны шаардлагад нийцэж байгаа учраас халдварын голомт бүрэн устсан учир эрүүл бүсэд зарлагдах хэмжээнд хүрсэн гэдгийг өчигдөр Шадар сайд Я.Содбаатар мэдээлсэн билээ. 

Сайн мэдээ:Говьсүмбэр, Архангай, Орхон, Дорноговь аймагт халдварын голомт бүрэн устаж эрүүл бүс болсон хэмээн зарлалаа.