Халдварын голомтод ажиллаж байгаа эмч, ажилтнуудаас 40 гаруй хүн ХАЛДВАР авчээ

Эмнэлгийн ажилтнууд халдвар авах тохиолдол Монголд төдийгүй дэлхийд түгээмэл байгаа талаар ЭМЯ-наас мэдээллээ. Тодруулбал, ажиллаж байгаа орчин болон халдварын үед өмссөн хувцсаа тайлахдаа, мөн ядаргаа ажлын ачааллаас болж халдвар авч байгаа талаар хэлллээ.

Өнөөдрийн байдлаар манай улсад халдварын голомтод ажиллаж байгаа эмч, эмнэлгийн ажилтнуудаас 40 гаруй хүн халдвар авснаас 15 нь эдгэрч дараагийн шат руу шилжсэн байгаа юм байна.

Түүнчлэн ажлын ачааллаас болж халдварын голомтод ажиллаж байгаа эмч нар ажлаасаа халшрах, ядрах хам шинж илрээд байгаа учир эмчийн болон хүний нөөцийг бэлтгэх шаардлагатай хэмээн албаныхан үзэв.