ШУУРХАЙ: БЗД-ийн эмнэлэгт эмчлүүлээд гарсан халдвартай 8 иргэн олон нийтийн газраар их явжээ

БЗД-ийн Шуурхай штабаас цаг үеийн мэдээлэл хийж байна. Тус дүүргийн Онцгой комиссын дарга Н.Баянмөнх мэдээлэл хийхдээ "БЗД-ийн нэгдсэн эмнэлэгт халдварын шинэ голомт үүссэн. Тухайн үед тус эмнэлэгт 449 хүн үйлчлүүлж, ажиллаж байсан бөгөөд халдвар авсан хүнтэй ойрын хавьтал болсон иргэдийг ХӨСҮТ-т тусгаарласан. Нийт БЗД-ийн эмнэлгийн голомтоос 62 халдварын тохиолдол илэрсэн. Үүнээс 12 нь эмнэлгийн эмч, ажилчид, 6 нь сахиур, 8 нь энэ сарын 11-нээс 16-ны хооронд хэвтэн эмчлүүлээд эмнэлгээс гарсан хүмүүс байсан бол үлдсэн 36 нь өвчтөнүүд байжээ. БЗД-ийн эмнэлэгт эмчлүүлээд гарсан халдвартай 8 иргэн олон хүнтэй газар ажилладаг, олон нийтийн газраар их явсан тул маршрутаа мартаж, санах тохиолдлууд их гарч байна" гэв.