Сэрэмжлүүлэг:Хөдөлгөөн сийрэг үед хурт хэтрүүлж яваад осол гаргажээ

Халтиргаатай замд хурдаа тохируулж яваагүйн улмаас зам тээврийн гурван ноцтой осол өчигдөр гарчээ.

Тодруулбал, Энхтайваны гүүр, ХУД-ийн уулын замд шөнийн 02:30 цагаас өглөөний  08:10 цагийн хооронд болжээ. Осол гаргасан гурван жолооч согтууруулах ундаа хэрэглээгүй байсан бөгөөд уулын замаар зорчиж явсан автомашины жолооч 42 настай Б замын хашлага мөргөсний улмаас хүнд гэмтсэн байна.

Иймд  тээврийн хэрэгслийнхээ дугуйг өвлийнхөөр сольж, хурдыг зөвшөөрөгдсөн хэмжээнээс 20-30 хувиар багасган замын хөдөлгөөнд оролцохыг Тээврийн цагдаагийн албанаас анхаарууллаа.