Аварга П.Бүрэнтөгс албан үүрэг гүйцэтгэж байна

Ардын хувьсгалын 99 жилийн ойн улсын их баяр наадамд ес даван түрүүлж, Монгол Улсын Аварга хэмээх эрхэм хүндтэй цолны эзэн болсон, Увс аймгийн Давст сумын харьяат П.Бүрэнтөгс өнгөрсөн есдүгээр сард ОБЕГ-ын харьяа Аврагч Биеийн тамир техник-Спортын хорооны даргаар томилогдсон билээ.

Тэрбээр энэ хөл хорионы үед үүрэг гүйцэтгэж явна. Бөхчүүдийг татвар төлдөггүй, ажил хийдэггүй гэж шүүмжилдэг ард түмэн. Тэгвэл аварга цолтой бөхчүүд нь хүлээсэн үүрэгтэй, хариуцсан ажилтай учраас энэ цаг үед үүргээ гүйцэтгэн ажиллаж байгаад олон хүн талархаж байна.