11 дүгээр сарын 18-нд хөдөө орон нутгийн иргэдийг хотоос гаргана гэдэг нь ТАШАА МЭДЭЭЛЭЛ

УОК-оос өдөр бүр 14.00, 19.00 цагаас шуурхай хуралдаж, үүсээд буй нөхцөл байдалтай уялдуулан шийдвэр гаргаж буй. Энэ удаагийн хурлаар олон нийтийн цахим хэрэгсэл болоод зарим хэвлэл мэдээллийн хэрэгслээр цацагдсан ташаа мэдээлүүдэд авах арга хэмжээг танилцууллаа. Тухайлбал, УИХ-ын зарим гишүүний мэдэгдсэн 2020 оны арваннэгдүгээр сарын 18-нд хөдөө орон нутгаас Нийслэлд ирээд гацсан иргэдийг үе шатлалтайгаар хотоос гаргана гэх мэдээлэл нь худал ташаа болохыг мэдэгдлээ. Өөрөөр хэлбэл, Монгол Улсад дотооддоо алдсан голомтын бүх хавьтлыг шинжилгээнд хамруулахаас нааш хотоос орох, гарах хөдөлгөөнийг нээхгүй юм байна.