Ц.Ганзориг: МУБИС-ийн 2 оюутанд халдвар илэрч, 6 оюутан халуурч байна гэх мэдээлэл ХУДАЛ

Халдвартай жолоочийн ойрын хавьтал болох ээж, дүү хоёроос нь коронавирус илэрсэн талаар бид өмнө мэдээлсэн. Тэгвэл дүү нь МУБИС-д сурдаг бөгөөд хичээлдээ явсаар байсан аж. Үүнтэй холбогдуулан МУБИС-ийн хоёр оюутанд коронавирус илэрч, зургаан оюутан халуурч байгаа талаар зарим сайт мэдээлэв. Харин үүнийг Засгийн газрын хэвлэл мэдээлэлтэй харилцах хэлтсийн дарга Ц.Ганзориг үгүйсгэлээ. Тэрбээр "УОК хуралдах гэж байна.

МУБИС-ийн 2 оюутанд халдвар илэрч, 6 оюутан халуурч байна гэж буруу ташаа, албаны бус мэдээлэл түгээж байгаа зарим хэвлэлийн мэдээг залруулж байна.

Яаран нягтлаагүй мэдээллийг түгээх нь #COVID19 цар тахалаас урьдчилан сэргийлэхэд нэмэр огт болохгүй, олон нийтэд илүү тэвдэлд, хардалт үүсгээд байгааг хэлээд байгаа юм.

Мэдээллэх, мэдэх эрхийг хааж боох санаа огт бишийг ойлгоно уу" хэмээн цахим хуудсаараа дамжуулан мэдээллээ.