Дээд шүүхийн шүүгчид "гологдоод" байгаа ГОЛОМТЫН С.Батхүлэг гэж хэн бэ

Шүүхийн ерөнхий зөвлөлийн дарга Э.Батбаяр өчигдөр УИХ-ын Хууль зүйн Байнгын хорооны хуралдаанд Улсын дээд шүүхийн Захиргааны хэргийн танхимын шүүгчид нэр дэвшигчээр Ц.Цогтыг танилцуулав. Түүнийг УИХ-ын гишүүд олонхиороо дэмжиж, ажилд нь амжилт хүссэн юм.

Харин бас шүүгчид 

Нэр дэвшигч С.Батхүлэг нь "Голомт" банкны өмгөөлөгч, хууль зүйн газрын даргаар ажиллаж байсан хэдий ч Дээд шүүхийн шүүгч болоход хуульчаар ажилласан жил нь хүрээгүй юм билээ.

Гэвч ШЕЗ-өөс энэ хүнийг өнгөрсөн тавдугаар сард шалгалтаа өгч тэнцсэн, мэргэшлийн хороогоор нэр нь орчихсон хүн хэмээн өмгөөлж, Дээд шүүхийн шүүгч болгохоор зүтгүүлсээр байгаа бол УИХ-ы гишүүд эсэргүүцсээр байна. Нөгөөтэйгүүр Үндсэн хууль зөрчсөн томилгоог оруулж ирэх гэлээ гэж дургүйцээд байгаа.

УИХ-ын гишүүд С.Батхүлэгийг нэрээ тат, эсэргүүцээд байхад ичихгүй нэрээ хоёр удаа оруулж ирж байна. Шүүгч нараас ичээд нэрээ тат гээд байгаа ч ШЕЗ нь цээжээрээ хамгаалсаар байна. Мөн Ховдын УИХ-ын гишүүд өмгөөлж дэмжсээр байгаа нь аргагүй нэг нутаг гэдгийг илтгэж харуулна. 

Тэгвэл УИХ-ын гишүүдэд гологдож, шүүгч болох боломжгүй хуульч, өмгөөлөгч С.Батхүлэг гэж хэн бэ. 

Улсын дээд шүүхийн шүүгчид нэр дэвшигч Сүхдоржийн Батхүлэг нь

• 1978 онд Ховд аймагт төрсөн, 42 настай, эхнэр, 3 хүүхдийн хамт амьдардаг.
• 1986-1996 онд Сэлэнгэ аймгийн 4 дүгээр 10 жилийн дунд сургууль,
• 1997-2002 онд ОХУ-ын Кубанийн Их сургуулийг төгссөн. Эрх зүйч мэргэжилтэй.
• 2012-2013 онд Австрали улсын Квисландийн төв их сургуульд менежментээр мастер,
• 2005 онд ОХУ-ын Краснодар хотын Их сургуульд Хууль зүйн ухааны доктор цол тус тус хамгаалсан. 
• 2002-2005 онд Мандваа ХХК төслийн менежер,
• 2006.01-2006.03 сард Улс төрийн боловсролын академид судлаач багш,
• 2006-2011сард Голомт банк ХХК-ийн Хуулийн хэлтэст хуульч, Хуулийн хэлтсийн захирлаар, 2013-2015 сард Голомт банкны Удирдлагын ажлын албаны зөвлөхөөр,
• 2015 сараас одоог хүртэл Өмгөөллийн Санхүүгийн Хуулийн Зөвлөх ХХН-д хуульч, гүйцэтгэх захирлаар ажиллаж байна. Нэр дэвшигч С.Батхүлэг нь Улсын дээд шүүхийн шүүгчийн сонгон шалгаруулалтын суурь болон тусгай шалгалтад Шүүхийн мэргэжлийн хорооны нэгдсэн үнэлгээгээр 78.36 оноо авсан байна.

Дээд шүүхийг шүүгчид нэр дэвшсэн С.Батхүлэгийг УИХ-д танилцуулахаар оруулж ирэхэд гишүүд олонхиороо эсэргүүцэв.