| | USD/MNT 0₮
| | USD/MNT 0₮
Орон нутгийн 2020 оны ээлжит сонгуульд Завхан аймагт МАН ялалт байгуулж, аймгийн Засаг дарга болон ИТХ-ын даргын томилгоон дээр хариуцлагатай хандаж байгаа гэнэ. Тус аймгийн Засаг даргад одоогоор "Эрдэнэс Тавантолгой" ХК-ийн Хэлтсийн дарга Д.Уужимсанаа, аймгийн МАН-ын хорооны дарга Д.Түвшинжаргал нар яригдаж байгаа бөгөөд 34 настай залуу инженер Д.Уужимсанааг МАН-ын удирдлагын зүгээс дэмжиж байгаа тухай хэвлэлүүд мэдээлж байгаа юм.
Д.Уужимсанаа нь 1986 онд Завхан аймгийн Тосонцэнгэл суманд төрж, тус сумын 1 дүгээр дунд сургуулийг төгссөн. 2006 онд ШУТИС-ийн Геологи, уул уурхайн сургуульд Уул уурхайн ашиглалтын инженер мэргэжлээр суралцаж байв. Энэ үедээ Путины тэтгэлгээр ОХУ-ын Санкт-Петербург хотын Уул уурхайн их сургуульд шилжин 7 жил суралцаж, техникийн шинжлэх ухааны магистраар 2012 онд дүүргэжээ. Мөн одоо ШУТИС-ийн Геологи, уул уурхайн сургуулийн докторант юм байна.
Мэргэжил боловсролтой түүний хувьд ажлын туршлага ч нэлээдгүй арвин. Тухайлбал, “Монгол алт” ХХК-ийн "Цагаан суварга" төсөл, Монгол-Оросын хамтарсан “Нитро Сибирь Монголиа” ХХК, "Хайрхан толгой Коал" ХХК-д eрөнхий инженер, Гүйцэтгэх захирал, уурхайн даргаар ажлын гараагаа эхэлж байсан энэ залуу одоо “Эрдэнэс Таван Толгой” ХК-ийн Уурхайн төлөвлөлтийн хэлтсийн даргаар ажилладаг гэнэ.
МАН-ын удирдлага, Завхан аймгийн МАН-ын хорооныхон, орон нутгийн намынхан нь төдийгүй сөрөг хүчин АН-ынхан ч энэ удаа Завхан аймгийн Засаг даргаар залуу, эрч хүчтэй, инженер хүнээр аймгаа удирдуулахаас татгалзахгүй байгаа сурагтай. Гэсэн хэдий ч аймгийн Засаг даргаас хол дутахгүй хэмжээний хариуцлагатай ажил хашиж буй “Эрдэнэс Тавантолгой” ХК-ийн Хэлтсийн дарга Д.Уужимсанаа Завханы Засаг даргаар явах болов уу гэсэн эргэлзээ мөн байгаа аж.
Орон нутгийн 2020 оны ээлжит сонгуульд Завхан аймагт МАН ялалт байгуулж, аймгийн Засаг дарга болон ИТХ-ын даргын томилгоон дээр хариуцлагатай хандаж байгаа гэнэ. Тус аймгийн Засаг даргад одоогоор "Эрдэнэс Тавантолгой" ХК-ийн Хэлтсийн дарга Д.Уужимсанаа, аймгийн МАН-ын хорооны дарга Д.Түвшинжаргал нар яригдаж байгаа бөгөөд 34 настай залуу инженер Д.Уужимсанааг МАН-ын удирдлагын зүгээс дэмжиж байгаа тухай хэвлэлүүд мэдээлж байгаа юм.