МАН-ын Удирдах зөвлөл өнөөдөр 12.00 цагт хуралдана

Монгол Ардын намын Удирдах зөвлөл өнөөдөр 12.00 цагт хуралдахаар товложээ. 

Өнөөдөр Удирдах зөвлөл хуралдахын өмнө 11.00 цагт Нийслэлийн МАН-ын тэргүүлэгчид, түүний дараа нийслэлийн МАН-ын хурал болох юм байна. Тус хурлаар хотын дарга, НИТХ-ын даргад хэнийг дэвшүүлэх вэ гэдгээ тодорхой болгох аж.

Учир нь НИТХ-ын анхдугаар хуралдаан аравдугаар сарын 23-ны өдөр буюу маргааш хуралдах бөгөөд энэ хуралдаанаар НИТХ-ын даргыг томилох, хотын даргын нэрийг дэвшүүлэх зэрэг асуудлыг хэлэлцэхээр товлогдоод байгаа юм.

Дашрамд дуулгахад, Нийслэлийн МАН-ын хорооны дарга Д.Сумъяабазар Хотын даргад хэд хэдэн хүний нэр дэвшүүлсэн ч Ерөнхий сайд У.Хүрэлсүх дэмжээгүй гэх. 

Харин Д.Сумъяабазарын нэрийг дэвшүүлнэ гэсэн мэдээлэл ч өчигдрөөс эхэлж цацагдаад эхэлжээ.