Борцгор хотон шувууны хоёр ангаахайд сансрын дамжуулагч суулгажээ

Хар-Ус нууранд зуншсан борцгор хотон шувуун сүргийн хоёр ангаахайд Сансрын дамжуулагчийг амжилттай зүүсэн талаар Байгаль орчин, аялал жуулчлалын яамнаас мэдээллээ.

Шувууд өнгөрсөн бямба гарагт /2020.10.03/ 18 цагийн орчимд Сангийн далай нууранд чуулаад, маргааш өдрийнхөө 11 цаг 42 минутад хөдөлж, Бөөн цагаан нуурыг чиглэн нисэж явааг дамжуулагчаар хянаж байна. Энэ нь нэн ховор хотон шувууны нүүдлийн амьдралыг судлах боломжийг бүрдүүлж байгаа юм.

Борцгор хотон шувуу нь Монгол орны зөвхөн Хар-Ус нуурын орчимд зусаж, өндөглөн нүүдэллэдэг аж.