Нэгдүгээр ангийн сурагчдын бүртгэл өнөөдөр дуусна

Энэ оны хичээлийн шинэ жил эхлэхэд гурав хоног үлдлээ. Энэ жил шинээр нэгдүгээр ангид элсэгчдийн цахим бүртгэл наймдугаар сарын 3-наас эхлэн өнөөдөр 17.00 цагт хаагдахыг албаныхан мэдээлжээ.

Тодруулбал, 2014 оны нэгдүгээр сарын 1-нээс арванхоёрдугаар сарын 31-ний хооронд төрсөн хүүхдүүдийг бүртгэнэ. Цахим элсэлтийн хүсэлтийг зөвхөн нэг удаа гаргана гэдгийг мэргэжилтнүүд хэлж байна. Иймд эцэг, эхчүүд хүүхдээ цахим бүртгэлд бүртгүүлэхдээ www.parent.edu.mn вэб сайтад хандана уу.