Өнөөдрөөс хоёр жилийн өмнө буюу 2018 оны наймдугаар сарын 9-нд  Зам,тээврийн хөгжлийн яамны /ЗТХЯ/  байранд газрын дарга Т.Гомбосүрэн бусдын гарт амиа алдсан харамсалтай хэрэг гарсан билээ. Энэ хэрэгт тухайн яамны газрын дарга Б.Махбал халдаж амийг нь хохироосон болохыг урьдчилсан байдлаар тогтоосон байдаг.

Ийнхүү хоёр жил дамнасан асуудлаар өнөөдөр Б.Махбол давж заалдана.

 

Тодруулбал, нийслэлийн прокурорын газраас Б.Махбалд холбогдуулан яллах дүгнэлт үйлдэж ирүүлсэн эрүүгийн хэргийг Сүхбаатар дүүргийн Эрүүгийн хэргийн анхан шатны шүүх 2020 оны 05 дугаар сарын 15-ны өдөр хянан хэлэлцэж, уг шүүх хуралдаанаар шүүгдэгч Б.Махбалыг Эрүүгийн хуулийн тусгай ангийн 10.1 дүгээр зүйл /хүнийг алах/-ийн 2 дахь хэсгийн 2.1 /онц, хэрцгийгээр/-д заасан гэмт хэрэг үйлдсэн гэм буруутайд тооцож, түүнд 13 жилийн хугацаагаар хорих ял шийтгэж, уг хорих ялыг хаалттай хорих байгууллагад эдлүүлэхээр шийдвэрлэсэн.