ASU.mn

Шүүх:УИХ-ын гишүүн асан Д.Дамба-Очирт 3.6 жилийн хорих ял оноолоо

УИХ-ын гишүүн асан Д.Дамба-Очирт холбогдох хэргийг шүүх хурал өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болов. Шүүхээс түүнийг гэм буруутай гэж үзэж нээлттэй хорих ангид 3.6 жилийн хорих ял эдлүүлэхийг шийдвэрлэлээ.

Шүүгдэгч Д.Дамба-Очирыг эрх мэдэл, албан тушаалын байдлаа ашиглаж, Жижиг, дунд үйлдвэрлэлийг хөгжүүлэх сангаас их хэмжээний зээл авсан хэрэгт яллагдагчаар татан ийнхүү шүүв.

Нийслэлийн прокурорын газраас Эрүүгийн хуулийн ерөнхий ангийн 3.1 дүгээр зүйлийн 2, 3.4 дүгээр зүйлийн 1 дэх хэсэгт заасныг тус тус журамлан, мөн хуулийн тусгай ангийн 22.1 дүгээр зүйлийн 3 дахь хэсэг /Улс төрд нөлөө бүхий этгээд бусдад давуу байдал олгох/-т заасан гэмт хэрэгт Д.Дамба-Очир /Улсын Их Хурлын гишүүн асан/-т холбогдуулан 2020 оны 04 дүгээр сарын 08-ны өдөр яллах дүгнэлт үйлдэж ирүүлсэн эрүүгийн хэргийг Баянзүрх дүүргийн Эрүүгийн хэргийн анхан шатны шүүх 2020 оны 06 дугаар сарын 15-ны өдөр хүлээн авсан.

2020 оны 08 дугаар сарын 19-ний өдрийн 09 цаг 00 минутад зарлагдсан гэм буруугийн шүүх хуралдаанаар шүүгдэгч Д.Дамба-Очирыг улс төрд нөлөө бүхий этгээд албан үүрэг, бүрэн эрх, албан тушаалын байдлаа урвуулан ашиглаж, өөртөө болон бусдад давуу байдал бий болгосон гэмт хэрэгт хатгагчаар хамтран оролцсон гэм буруутайд тооцож, Эрүүгийн хуулийн тусгай ангийн 22.1 дүгээр зүйлийн 3 дахь хэсэгт зааснаар Д.Дамба-Очирт нийтийн албанд томилогдох эрхийг 6 жил хүртэлх хугацаагаар хасаж, 3 жил 6 сарын хугацаагаар хорих ял шийтгэж, уг ялыг нээлттэй хорих байгууллагад эдлүүлэхээр тогтоож шийдвэрлэв.

Ийнхүү ЖДҮХС-аас эрх мэдэл албан тушаалаа ашиглаж, өөрийн хамаарал бүхий компаниадаа зээл авсан гэх гишүүн асангууд хорих ялаар шийтгүүлэв. Тодруулбал, УИХ-ын гишүүн асан Г.Солтан, Б.Ундармаа, Б.Батзориг, Д.Дам-Очир нар дээлээ нөмөрлөө.

Улс төр

2020-08-19

Сэтгэгдэл (3)

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Asu.mn хариуцлага хүлээхгүй.

АРД гэж бас болохгүй НИЙТЭЧ

[ 43.231.112.70 ] 2020-08-20

Шүүх яллах гэж гурилдах юм байна дөө бодвол мөнгө угаасан хөрөнгийг нь хураагаагүй толгойг нь илээд шинэ үндсэн хуулийн өөрчлөлтөөр ард түмний бус нийтийн хөрөнгийг нь шамшигдуулаад өнгөрч байгаа юм байлгүй нийтийн байхдаа нь ч яах вэ дээ яг нарийндаа бол ард бидний татварын ард түмний мөнгийг залилсан хүмүүс малийтлаа л хөрөнгөжиж МАН нь хамгаалж бидэндээ банк болон ББСБ-р өндөр хүүгээр зээлдүүлж мөнгө угаасан биз дээ МАН ер нь энэ ард гэдэг үгнээс гэрэвшээд байгаа юм бол намынхаа нэрнээс татгалзаж МНН болмоор юм МОНГОЛ НИЙТИЙН НАМ ямар сонсогдож байна Занданшатар, Хүрэлсүхтэнгүүдээ шинэ намынхаа нэрийг ав. НИЙТИЙН МӨНГИЙГ ХАРИУЦЛАГАГҮЙ ГАРЫН ТАВАН ХУРУУНЫХАА САЛААВЧААР ЦАЦАХАА БОЛЖ ҮЗ тэгэхгүй бол дээлээ толгой дээгүүрээ нөмрөөд эднийхээ араас явна шүү АНХААРУЛАЯ.

Иргэн

[ 43.231.112.70 ] 2020-08-19

Дамба-Очирын хэрэгт шүүх зөөлөн хандсан байна. Хулгайчийг өөгшүүлсэн байна.