| | USD/MNT 0₮
Улсын онцгой комиссоос 2020-2021 оны хичээлийн шинэ жилийг есдүгээр сарын 01-нд эхлүүлэх шийдвэр гаргасан. Үүний дагуу БШУЯ-наас зохицуулалтыг хийхдээ анги дүүргэлт 20-иос дээш хүүхэдгүй байх, хоёр настнуудыг энэ жил цэцэрлэгт хамруулахаар байхаар шийдвэрлэсэн. Мөн нийслэлийн хэмжээнд цэцэрлэгийн цахим элсэлтийг зохион байгуулахгүй Харин ирэх жилд сургуульд суралцах таван настнуудыг цэцэрлэгт бүрэн хамруулах, 3-4 настай хүүхдүүдийг цэцэрлэгийн багтаамжид тааруулан цэцэрлэгт элсүүлэхээр болжээ. Цэцэрлэгт элсээгүй хүүхдүүдэд зориулан теле хичээлийг явуулна.
Иймд цэцэрлэгт шинээр элсэх 3-5 насны хүүхдүүдийн бүртгэл, элсэлт ирэх долоо хоногт буюу 2020 оны наймдугаар сарын 17-21-ний өдрүүдэд цахимаар биш уламжлалтаар харъяа цэцэрлэгүүдэд зохион байгуулагдах бол өмнөх хичээлийн жилүүдэд элссэн хүүхдүүдийн бүртгэлийг баталгаажуулах үйл ажиллагаа 2020 оны наймдугаар сарын 24-28-ны өдрүүдэд тус тус харьяа цэцэрлэгт ажлын цагаар зохион байгуулагдахаар болжээ.
Цэцэрлэгийн бүртгэл ирэх долоо хоногт буюу энэ сарын 17-21-ний өдрүүдэд болно