Н.Түвшинбаяр олимпийн аварга болсон өдрөө МҮОХ-ны ерөнхийлөгч болох магадлалтай

Монголын Үндэсний Олимпын Хорооны ерөнхийлөгчийг сонгох хурал өнөөдөр болж байна. Энэхүү хурлаар МҮОХ-ны Гүйцэтгэх зөвлөл дэх сул орон тоо буюу Ерөнхийлөгч болон Дэд ерөнхийлөгчийн сонгууль явагдана. Нэр дэвшигчдийн хувьд:

МҮОХ-ны Ерөнхийлөгчид нэр дэвшигч:

• Найдангийн Түвшинбаяр

МҮОХ-ны Дэд ерөнхийлөгчид нэр дэвшигч:

• Цэвэгмидийн Бат-Энх
• Чойжгаваагийн Наранбаатар
• Жүгдэрийн Отгонцагаан
• Галсанжамцын Пүрэв-Очир нар өрсөлдөж байгаа юм.

Дашрамд сануулахад, өнөөдрөөс 14 жилийн өмнө буюу 2008 оны зуны олимпоос  Найдангийн Түвшинбаяр жүдо бөхийн -100 кг-ийн жинд алтан медаль хүртэж, Монгол Улсад анхны алтан медалийг авчирсан юм. Тэгвэл өнөөдрийн хурлаар МҮОХ-ны ерөнхийлөгчид ганцаараа нэрээ дэвшүүлсэн Н.Түвшинбаяр Олимпийн аварга болсон өдрөө МҮОХ-ны Ерөнхийлөгч болох магадлал өндөр байгаа аж.