Сайд асан С.Ламбаа Ерөнхийлөгчийн зөвлөх болжээ

Эрүүл мэнд, спортын сайдаар ажиллаж байсан С.Ламбаа Ерөнхийлөгчийн зөвлөх болжээ.

Тэрбээр өнгөрсөн 2016 онд УИХ-ын даргын ахлах зөвлөхөөр ажиллаж байсан бол ийнхүү энэ удаад тушаал дэвшиж Ерөнхийлөгч Х.Баттулгын зөвлөх болжээ.

С.Ламбаагийн хувьд МУИС-ийг инженер, эдийн засагч мэргэжлээр төгссөн. УИХ-ын гишүүнээр 1996-2000, 2004-2008, 2008-2012 онуудад гурван удаа сонгогдож байсан бөгөөд УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга, ЭМ-ийн сайдаар 2008-2012, 2016 онуудад томилогдон ажиллаж байсан.

УИХ-ын даргын ахлах зөвлөх, Эрүүл мэнд спортын яамны төрийн нарийн бичгийн дарга гэх мэт албан тушаалыг хашиж байв. Харин одоо Ерөнхийлөгчид зөвлөхөөр болжээ.