Дуучин Нара бие дааж дахин нэр дэвшинэ

2016 оны сонгуульд бие даан нэр дэвшиж байсан дуучин Нара буюу М.Нарантуяа 2020 оны УИХ-ын сонгуульд дахин бие даан нэр дэвшихээр болжээ. Тухайлбал, Үндэсний Аудитын газарт мөрийн хөтөлбөрөө ирүүлсэн бие даан нэр дэвшигчдийн жагсаалтад түүний нэр байгаа юм. Түүний хувьд 2016 оны сонгуульд Баянгол дүүрэгт нэр дэвшиж байсан бөгөөд 15.7 хувийн санал буюу 3,339 сонгогчдын саналыг авч, 69 дүгээр тойрогт гуравдугаарт эрэмбэлэгдэж байжээ.