Д.НЯМХҮҮ:МОСКВАГААС ИРСЭН ОЮУТАНД ДАВТАН ШИНЖИЛГЭЭГЭЭР ХАЛДВАР ИЛЭРЧ, ТОХИОЛДЛЫН ТОО 33 БОЛЛОО

ХӨСҮТ-ийн захирал Д.Нямхүү халдвартай иргэдийн талаар мэдээлэл хийлээ. Тэрбээр "Өчигдөр сэжигтэй тохиолдол бүртгэгдээгүй. ХӨСҮТ-д эмчлэгдэж байгаа иргэдээс нэг нь эдгэж дараагийн шатанд шилжлээ. Хэд хэдэн хүн уушгины хатгалгаатай байгаа ч эмч нар онцгой анхаарч, эмчилгээний тактикаа зөв хийж байгаа. Өдөр болгон давхар хяналтыг хийж байгаа.

ХӨСҮТ-ээр өчигдөр нийт 76 иргэнд шинжилгээ хийхэд халдвар илрээгүй. 

Мөн тандалтын зорилгоор дөрвөн иргэнд халдвар илрээгүй. Цэргийн төв эмнэлэгт хэвтэн эмчлүүлж байгаа 50 иргэнээс бас халдвар илрээгүй. 

Харин ХӨСҮТ-д байгаа 16 иргэний давтан шинжилгээнээс нэг хүнд коронавирус илэрлээ. Энэ нь Москвагаас Улаан-Үүд хүртэл онгоцоор ирсэн оюутан байна. Мөн Улаан-Үүдээс Алтанбулагийн хилээр дамжин орж ирсэн юм. Төмөр замын дээд сургуульд нь халдвар гарсан гэдгийг та бүхэн мэдэх байх" гэлээ.