Залуус хороололд зодоон хийсэн залуусыг эрэн сурвалжилж байна

Цахим орчинд өнгөрсөн шөнө СХД-ийн 38 дугаар хороонд "Залуус" хороололд 15-18 насны залуус олон нийтийн газар чанга дуу чимээ гаргахгүй байх шаардлага тавьсан залууг зодож буй бичлэг цахим орчинд цацагдсан. Харин цагдаагийн байгууллагад 2024 оны 10 дугаар сарын 21-ний өдрийн 22 цагийн үед иргэнээс "Сонгинохайрхан дүүргийн 38 дугаар хороо Залуус хорооллын орчимд манай нөхрийг хэдэн хүүхдүүд зодоод явсан байна" гэх гомдол мэдээллийг ирүүлснийг бүртгэжээ. Улмаар цагдаагийн байгууллагаас дуудлага мэдээллийн дагуу ажиллаж, тухайн залуусыг эрэн сурвалжилж байгаа аж.