Н.Урантогтох: Залуус асар их итгэж УИХ-ын сонгуулиар АН, ХҮН намыг дэмжсэн. Гэтэл тэд итгэлийг нь МАН-д албан тушаалаар СОЛЬЧИХСОН

Орон нутгийн сонгууль өнгөрсөн баасан гарагт болж өндөрлөв. Нийслэл Улаанбаатар хотын хувьд хамгийн муу ирцтэй буюу 42.3 хувьтай санал хураалтад оролцлоо. Түүнчлэн энэ сонгуульд 20-34 насныхан хамгийн бага санал өгчээ. Энэ талаар сэтгүүлч Н.Урантогтох өөрийн цахим хуудаснаа үзэл бодлоо илэрхийлэв. 

Тэрбээр, “Орон нутгийн сонгуулийн ирц муу байгаад гайхах зүйл алга. Залуус асар их итгэж УИХ-ын сонгуулиар АН, ХҮН намыг дэмжсэн. Гэтэл тэд итгэлийг нь МАН-д албан тушаалаар “сольчихсон”. Урам нь хугарсан залууст жигшил дургүйцэл үлдсэн.  АН, ХҮН намууд ЗГ-аас гарч сөрөг хүчний ажлаа хийх ёстой” гэж бичжээ.