Загвар зохион бүтээгч ”КАДР” өвчний улмаас таалал төгслөө

Өөрийн авьяас билэг, шинэлэг хандлагаараа урлагийн салбартаа хэдийн байр сууриа бататгасан загвар зохион бүтээгч Б.Энхбаатар буюу Кадр өвчний улмаас таалал төгсжээ. Түүнийг удаан хугацааны турш эмнэлэгт хэвтэж, эмчлүүлж байсан гэж ойр дотнын хүмүүс мэдээлсэн юм. Энэ талаар жүжигчин Х.Баярмаа өөрийн цахим хуудаснаа, “Бидний мундаг хөдөлмөрч, уран гартай, сайхан сэтгэлтэй, төрөлхийн гайхалтай авьяастай сайхан найз минь ертөнцийн мөнх бусыг үзүүллээ. Найзынхаа урлаж , зүрх сэтгэлээ шингээж шаглаж өгсөн олон сайхан даашинз бүтээлүүдээр нь гангарч хайрлаж өмсдөг юм шүү. Миний мэдэх хамгийн гайхалтай хөдөлмөрч найз минь билээ. Мөнх тэнгэрийн оронд амар амгаланг олоорой найз минь, маш их харамсаж байна. Ар гэр мөн хайртай дотнын хүмүүс, найз нөхдөд нь гүн эмгэнэл илэрхийлье” гэж бичив.

Түүний дундаршгүй их авьяас, гоо зүйн өндөр мэдрэмж, нарийн ур дүйг хослон бүтээсэн хувцсыг өмсөөгүй Монголын олны танил ховор билээ.