ОБЕГ: Хороололд айлын байранд гал гарч, гурван хүний амийг аварлаа

Улаанбаатар хот, Баянгол дүүрэг. 14 дүгээр хороо, 3 дугаар хороололд гал гарч байна гэсэн дуудлагыг 09.09-ний өдрийн 19:39 цагт ОБЕГ хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 4 км замыг туулан 19:50 цагт очиход иргэн А-ийн гал тогооны өрөөнд цахилгаан хэрэгсэл шатаж байсныг 10 минут ажиллаж унтраасан аж. Улмаар утаажилтын бүсээс 3 иргэнийг аюулгүй газарт гаргасан бөгөөд гал түймэрт иргэн Н/32 настай, эмэгтэй/  гар хэсгээрээ түлэгдсэн байсныг Эмнэлгийн байгууллагад хүлээлгэн өгчээ.