Онон голын усанд таван настай хүүхэд живж амь насаа алджээ

Хэнтий аймаг, Биндэр сум Онон багийн "Онон голын баруун салаа” гэдэг газар /аймгийн төвөөс хойд зүгт 180 км, сумын төвөөс зүүн зүгт 20 км, Баян-Адарга сумаас 45 км/ бага насны хүүхэд "Онон" голын усанд тоглож байгаад живсэн тухай дуудлагыг 08.26-ны өдрийн 16:00 цагт ОБЕГ хүлээн авсан байна. Дорнод аймгийн Онцгой байдлын газрын эрэн хайх, аврах анги, Хэнтий аймгийн Онцгой байдлын газрын алба хаагчдыг очиход Д/5 настай, эрэгтэй/-ийг эрэн хайх ажиллагааг 09.08-ны өдрийн 06:00 цагт анх осолдсон Биндэр сумын Онон багийн  “Хар усан тохой”  гэдэг газраас завиар болон явганаар зохион байгуулжээ. Улмаар 09:57 цагт тус багийн  “Хонхор” гэдэг газар /анх осолдсон газраас урд зүгт 800 метр/-аас цогцсыг олж уснаас гарган Цагдаагийн байгууллагад шилжүүлэн өгсөн.