“ПАРИС-2024” ПАРАЛИМП: Өнөөдөр Д.Сэлэнгээ, Б.Оюун-Эрдэнэ нар халз харваагаар өрсөлдөнө

Өнөөдөр байт харвааны тамирчид халз харваагаар өрсөлдөнө.

“Парис-2024” паралимпын наадмын зургаа дахь өдөр Монголын хоёр харваач бүсгүй онч сорино.

Чансаа тогтоох харваанд 622 оноогоор гуравт эрэмбэлэгдсэн Д.Сэлэнгэ эхний даваанд гоц мөргөсөн бөгөөд шөвгийн 16-д Украин, Колумбын тамирчдын ялсантай халз харвах хуваарьтай.

Энэ харваа 17 цагийн үед эхлэх юм. Харин чансааны 18-д бичигдэж буй Б.Оюун-Эрдэнэ эхний даваанд Италийн Вероника Флореногийн эсрэг 17:30 цагийн үед халз харвах хуваарьтай байна.

Халз харваанд ялсан тохиолдолд шөвгийн 8-ын харваа 23 цагт эхлэх юм.

Мэргэн харваач бүсгүйчүүддээ амжилт хүсье!