Хотын даргын зөвлөхөөр З.Батырбекыг томиллоо

Нийслэлийн Засаг дарга бөгөөд Улаанбаатар хотын Захирагчийн Хөрөнгө оруулалт, эдийн засгийн асуудал хариуцсан зөвлөхөөр З.Батырбекыг томиллоо.

З.Батырбек нь банк санхүүгийн салбарын удирдлагын багт 18 жил, уул уурхай, дэд бүтцийн салбарын удирдлагын багт 4 жил ажилласан туршлагатай.

БОЛОВСРОЛ:

1998-2002 онд ШУТИС-ийн Уул уурхайн инженерийн сургуулийг Уул уурхайн удирдлага, инженер эдийн засагч мэргэжлээр бакалавр

2013-2016 Шихихутуг хууль зүйн дээд сургуулийг эрх зүйч мэргэжлээр төгссөн юм.

АЖЛЫН ТУРШЛАГА:   

2003-2007 онд Хас банкны салбарын захирал (Налайх, Өмнөговь, Хөтөл, Булган)

2007-2010 онд Хас банкны Бүсийн захирал

2010 онд Хас банкны Амар үйлчилгээний төвийн захирал

2010-2016 онд Уул уурхайн бизнес үйлчилгээний төв, Корпорейт банкны дэд захирал

2016-2018 онд Хас банкны Бүс хариуцсан захирал

2018-2021 онд “Премьер Капитал” ХХК-ийн Гүйцэтгэх захирал

2022-2024 онд Хөгжлийн банкны Бизнес хөгжил хариуцсан дэд захирал, эрсдэлийн удирдлагын газрын захирлаар ажиллаж байсан юм.

Тэрээр өнөөдрөөс нийслэлийн Засаг дарга бөгөөд Улаанбаатар хотын Захирагчийн хөрөнгө оруулалт, эдийн засгийн асуудал хариуцсан зөвлөхөөр ажиллаж эхэллээ.