Б.Хулан медалийн төлөөх барилдаанд ялагдаж, 5-р байр эзэллээ

“Парис-2024” олимпын эмэгтэй чөлөөт бөхийн 53 кг-д зодоглосон манай бөх Б.Хулан БНХАУ-ын Пан Чиан Юү-д хүрэл медалийн төлөөх барилдаанд ялагдсанаар шагналт 5-р байр эзэллээ.

Тэрбээр барилдааны эхэнд давхар хамуулж бүхэл дөрвөн оноо алдсан ч удалгүй хоёр оноо авч, 4:2 болгосон. Гэвч хэт улайран дайрч байгаад даралтад орон цэвэр ялагдсан юм.

Хоёр бөхийн барилдаан минут гаруйхан үргэлжиллээ.

Уг нь Б.Хулан Монголын багийн хоёр дахь медалийг авчрах бүрэн боломжтой байсан ч санаснаа гүйцэд хийж чадалгүй ялагдсан нь харамсалтай.

Б.Хулангийнхаа дараа дараагийн тэмцээнд амжилт хүсье!