Гурван гүүр сэтэрч эвдэрчээ

Хөвсгөл аймгийн Мөрөн хотоос Хатгал чиглэлийн А1101 авто замд өнөөдөр үдээс хойш үер буусан. Үерийн улмаас Алаг-Эрдэнэ сумаас Хатгал чиглэлийн авто замд найман газар зам давж их хэмжээний чулуу овоорсон, 3 гүүр сэтэрсэн байдалтай байна. Өнөө шөнө бороо үргэлжлэн орох тул иргэдийг хөдөө орон нутгийн замд зорчихгүй байхыг Хөвсгөл аймгийн Онцгой байдлын газраас анхааруулж байна.