Н.Өнөрцэцэг: Амралт зугаалга гээд Монголчуудын анхаарал сарнисан үед шүүх шийдвэрээ гаргая гэж үзэж байна

Сэтгүүлч Н.Өнөрцэцэгийн хэргийн шүүх хурал өнөөдөр 13:30 минутад эхэлсэн юм. Тэгвэл сэтгүүлч Н.Өнөрцэцэг өөрийн шүүх хурлын талаар мэдээлэл өглөө. Тэрбээр, “Миний хоёр өмгөөлөгч уг шүүх хуралд оролцох боломжгүй тул шүүх хурлыг хойшлуулах хүсэлт тавихад хүлээж авсангүй. Өмнө нь хохирогч нарын зүгээс шүүх хурлыг хойшлуулах хүсэлт тавихад хүлээж авдаг байв. Миний зүгээс гаргахаар хүлээж авахгүй ийм байдалтай байна. Энэ үйл явцуудаас харахад өнөөдөр хүн бүр амралт зугаалга гээд Монголчуудын анхаарал сарнисан ийм үед шүүх шийдвэрээ гаргая гэж үзэж байгаа юм байна” гэв.